Forgangsmál Samfylkingarinnar

"Við ætlum að hækka lífeyri almannatrygginga og taka upp 10% skatt á greiðslur úr lífeyrissjóði"

Þetta er mjög athyglisvert, en hverjar yrðu efndirnar ef Samfylkingin næði takmarki sínu um að komast í ríkisstjórn? - en ef ekki, ætla þeir þá að leggja nyður skottið og gleyma málinu? Ekki minnist ég þess að hafa séð eina einustu tillögu frá þessum flokki, né öðrum strjórnarandstöðu-flokkum, til leiðréttinga þessu óréttlæti sem eldri borgarar eru beittir! Þeir yfirgáfu þingið núna án þess að svo mikið sem minnast á þessi mikilvægu mál! Það lá svo mikið á að fara í frí, til Kanari eða eithvað annað. Bara gleyma til hvers það var kosið á þing!

Ekki skal stækka álver ALCAN í Straumsvík og enginn veit hvað framtíðin ber í skauti sínu. Þetta virðist vera krafa íbúa í Hafnarfirði, er okkur sagt, en er það svo?

Á síðasta ári yfirgáfu "grænu" karlarnir á Keflavíkurflugvelli okkur fyrir fullt og allt og mörg-hundruð manns misstu vinnuna. Nú vilja VG (gömlu kommarnir) ásamt taglhnýtingunum í S og F flokkunum, loka álverum og hætta öllum virkjunarframkvæmdum og þar með losa okkur við "gráa" fólkið og er alveg sama um afkomu þess. Þetta fólk á fjölskyldur og hefur góða vinnu með bestu launum sem verkafólki á Íslandi býðst!

En þetta er pólitík og tilgangurinn helgar meðalið, sama hvað það kostar. Þessum flokkum er nefnilega alveg sama um hið vinnandi fólk, bara ef (eins og þeir vona) að þessi verk þeirra komi ríkisstjórninni frá. Að öðru leiti er þeim sama um afkomu þjóðarinnar.